Sunday, May 24, 2009

നക്ഷത്രങ്ങളുടെ ഓർമ്മക്കായി മാത്രം

സ്റ്റ്രോസിന്റെ
നീല നദി
ഒരു ജലധാരയെന്നവണ്ണം
മൃദു സ്വരത്തിൽ പ്രവഹിക്കും

ഒരു കൊച്ചു തോണിയിൽ
നീയും ഞാനും മാത്രം
നീ തവിട്ടു നിറത്തിലുള്ള
തൊപ്പി ധരിച്ചിരിക്കുന്നു

സുതാര്യമായ മഴ
നദിയിൽ നേർത്ത സുഷിരങ്ങൽ
സൃഷ്ടിക്കുന്നു
സ്ഫടിക ഗോളങ്ങളായി
മഴതുള്ളികൾ നിന്റെ വിരലിലൂടെ
തോണിയിൽ പതിക്കുന്നു

പ്രവാഹങ്ങളുടെ
ഈ സ്നിഗ്ദ നിമിഷത്തിലും
നിന്റെ കൺപീലികൾ തടവറയിലാകും
അവ തുടിക്കുന്നുമുണ്ടാകും

നിശ്ചലമായ നദിയിൽ
വെള്ളാരം കല്ലുകളാൾ
ഓളങ്ങൽ തീർക്കുംബോൾ
നക്ഷത്രങ്ങൾ ഓർക്കുമായിരിക്കും

No comments:

Post a Comment